Stjörnuhópur sem er elsti árgangur heilsuleikskólans Króks í Grindavík, tók þátt í Góðverkadögum og tíndi upp rusl í kringum "blokkina hennar Birnu",  því Birna hafði nýlega sagt frá því í blaðaviðtali að það væri mikið rusl á lóðinni í kringum blokkina.

Þar sem hún býr ein í þessari stóru blokk fannst okkur ekki veita af að aðstoða hana við verkið. Þessi ákvörðun var tekin á umhverfisráðsfundi barnanna með leikskólastjóra nú í morgun þar sem aðalumræðuefnið var ruslið sem frá okkur fer, hvaðan það kemur og hvert það fer. Farið var strax af stað eftir fundinn og hæg voru heimatökin því blokkin er við hliðina á leikskólanum.

Við tókum myndir og er hópurinn búinn að skrifa bréf með nokkrum myndum til Jónu Kristínar bæjarstjóra þar sem henni er bent á ástandið og hún beðin um að tala við Ingvar bæjartæknifræðing um að gera eitthvað í málinu. ( sjá fleiri myndir: http://krokur.skolar.is/Myndasafn/416/1/default.aspx )

Hulda Jóhannsdóttir - leikskólastjóri
Heilsuleikskólanum Króki - 240 Grindavík
http://krokur.skolar.is/