Krakkarnir í Síðuskóla á Akureyri voru sérlega dugleg að gera góðverk fyrsta dag Góðverkadaganna.

Flest þeirra hafa eflaust náð sér í Góðverkadagbók hér á vefnum og mörg hafa skráð góðverkin sín hér á síðuna.

Nokkrir 7 ára nemendur sendu okkur upplýsingar um þessi fallegu góðverk:

Ég gekk frá eftir kvöldmatinn, setti í uppþottavélina ;)
Ég hjálpaði til við að gera kaffitíma.
Ég hjálpaði mömmu minni við að setja lak á rúmið hennar. Ég var líka jákvæður og ekki óþekkur.
Ég fór út með rusl fyrir mömmu og pabba og ég passaði líka litla bróður minn.
Ég hjálpaði afa við að skafa bílinn hans. Eins mokaði ég snjó af tröppunum hans.
Ég hjálpaði til við að passa yngri systkini mín.
Ég las tvær bækur fyrir systur mínar sem eru yngri en ég. Þær voru mjög glaðar.
Ég tók upp úr uppþvottavélinni fyrir mömmu og pabba.
Færði mömmu minni köku sem ég bakaði í heimilisfræði í skólanum mínum, ég færði henni líka safa og brauðsneið.
Bjó um rúm pabba og mömmu.
Ég fór með ruslið út fyrir mömmu.
Ég fór út með ruslið.