Góðverkadagar í fyrirtækjum hafa að markmiði að bæta starfsanda og samvinnu á meðal starfsfólks, með því að hvetja til hjálpsemi og vináttu – að gera góðverk.
Mörg fyrirtæki verða með góðverkadagskrá dagana 22. – 26. febrúar. Starfsfólk reynir þá eftir bestu getu að gera að minnsta kosti eitt góðverk á dag, vitandi sem er að góðverk eru þeirrar náttúru að fjölga sér á ógnarhraða, gerendum, þiggjendum og öllum sem nærri standa til gleði og ánægju.
Umbunin getur falist í þakkarorðum eða einlægu brosi þess sem þiggur, en ríkulegasta umbunin er þó oftast eigin vellíðan yfir að hafa orðið að liði – unnið góðverk.
Starfsmannahópar, deildir eða vinnuflokkar geta einnig tekið sig saman og komið samstarfsfólki sínu eða viðskiptavinum á óvart með vel undirbúnu en „óvæntu“ góðverki.
Stoðefni Góðverkafyrirtækja:
Kynningarbréf til stjórnenda. - Kynningarbréf til starfsmanna.
Merki Góðverk dagsins; Útg.01 - Útg.02 - Veggspjald
Allir starfsmenn sem skrá sig hér að neðan fá send „góðverkavefkort“ til staðfestingar á þátttöku í góðverkadögum síns fyrirtækis.